Прафесар кафедры гісторыі і сусветнай культуры гістарычнага факультэта ВДУ, доктар мастацтвазнаўства Таццяна Віктараўна Катовіч стала ўладальнікам ганаровага звання «Чалавек года Віцебшчыны — 2019» у намінацыі Сацыяльная сфера (сацыяльная абарона насельніцтва, культура, адукацыя, навука, спорт, ахова здароўя і моладзь)».

Пераможцаў абласной прэміі ў гэтым годзе вызначалі па пяці намінацыям. Лаўрэатамі сталі пяцьдзесят лепшых прадстаўнікоў розных устаноў, арганізацый з усіх куткоў вобласці ў розных сферах дзейнасці: гандль і паслугі, ЖКГ і будаўніцтва, транспарт і сувязь, сацыяльная сфера, сфера адукацыі, АПК, дарожна-будаўнічая гаспадарца і інш.