У ВДУ імя П.М. Машэрава навуковыя даследаванні і даследча-канструктарскія работы выконваюцца кафедрамі, дзейнасць якіх на ўзроўні факультэтаў каардынуецца праблемнымі камісіямі па навукова-даследчай і вучэбна-метадычнай рабоце, а на ўзроўні ўніверсітэта – навукова-тэхнічным саветам і саветам універсітэта.

Навуковая і інавацыйная дзейнасць ВДУ імя П.М. Машэрава будуецца ў адпаведнасці з:

  • Прыярытэтнымі напрамкамі навукова-тэхнічнай дзейнасці ў Рэспубліцы Беларусь на 2011–2015 гг., зацверджанымі Указам Прэзідэнта Рэспублікі Беларусь ад 22 ліпеня 2011 №378.
  • Канцэпцыяй развіцця навукі ў Рэспубліцы Беларусь, адобранай пастановай Агульнага сходу Нацыянальнай акадэміі навук ад 03.02.2005 г. №2.
  • Пералікам прыярытэтных напрамкаў фундаментальных і прыкладных навуковых даследаванняў Рэспублікі Беларусь на 2011–2015 гг., зацверджанымі пастановай Савета Міністраў Рэспублікі Беларусь 19.04.2010 г. №585.
  • Указам Прэзідэнта Рэспублікі Беларусь ад 09.03.2009 г. № 123 "Аб некаторых мерах па стымуляванні інавацыйнай дзейнасці ў Рэспубліцы Беларусь".
  • Рэгіянальнай праграмай "Інавацыйнае і інвестыцыйнае развіццё Віцебскай вобласці на 2011–2015 гг.", зацверджанай рашэннем Віцебскага абласнога Савета дэпутатаў 27.04.2011 г.
  • Загадам рэктара ўніверсітэта "Аб удасканаленні навуковай дзейнасці" ад 17.09.2015 № 28-н.
  • Загадам рэктара ўніверсітэта "Аб арганізацыі інавацыйнай і экспартнай дзейнасці ва ўніверсітэце" ад 2015/02/19 г. № 7-н.

Асноўнымі задачамі навуковай і інавацыйнай дзейнасці ў ВДУ з'яўляецца выкананне фундаментальных і прыкладных навуковых даследаванняў, інавацыйных праграм, універсітэцкіх праграм "Здаровы лад жыцця", "Навукова-педагагічныя кадры", "Арганізацыя навукова-даследчай работы навучэнцаў", развіццё творчай дзейнасці прафесарска-выкладчыцкага складу і студэнтаў, а таксама падрыхтоўка навукова-педагагічных кадраў вышэйшай кваліфікацыі.

Навуковая і інавацыйная дзейнасць ва ўніверсітэце будуецца па наступных прынцыпах:

- стымуляванне фундаментальных і прыкладных даследаванняў па прыярытэтных кірунках развіцця навукі і тэхнікі ў Рэспубліцы Беларусь;
- стварэнне ўмоў для развіцця прадпрымальніцтва ў сферы навукі і тэхнікі, стымуляванне і падтрымка інавацыйнай дзейнасці;
- садзейнічанне развіццю ва ўніверсітэце і на яго базе вучэбна-навукова-вытворчых комплексаў і інавацыйных прадпрыемстваў;
- фарміраванне і выкананне сумесна з ВНУ і навуковымі арганізацыямі рэгіёна навуковых і навукова-тэхнічных праграм і праектаў па напрамках, якія забяспечваюць паскоранае сацыяльна-эканамічнае развіццё рэгіёна;
- садзейнічанне развіццю міжнароднага навуковага і навукова-тэхнічнага супрацоўніцтва;
- падрыхтоўка навукова-педагагічных кадраў вышэйшай кваліфікацыі ў рамках навуковых школ універсітэта.

Напрамкі навукова-даследчай працы сфарміраваны зыходзячы з профілю падрыхтоўкі спецыялістаў з улікам навуковых прыярытэтаў, вызначаных у Рэспубліцы Беларусь, і кадравага забеспячэння кафедраў:

  1. Развіццё тэорыі матэматычнага мадэлявання прыкладных задач, яе выкарыстання ў адукацыі і вытворчых працэсах
  2. Эколага-біялагічнае і геаграфічнае абгрунтаванне рацыянальнага выкарыстання рэсурснага патэнцыялу і аховы навакольнага асяроддзя Беларускага Паазер'я.
  3. Гістарычная дынаміка і духоўная культура грамадства: рэгіянальны і глабальны кантэкст.
  4. Вызначэнне сацыяльнай ролі, заканамернасцей функцыянавання моў, літаратур, фальклору Беларусі ў кантэксце развіцця еўрапейскай і сусветнай культур.
  5. Псіхолага-педагагічныя дэтэрмінанты стварэння і функцыянавання адукацыйнай прасторы.
  6. Распрацоўка навукова-метадычнага забеспячэння прафесійнай падрыхтоўкі спецыялістаў сацыяльнай сферы ва ўмовах ВНУ.
  7. Праектаванне і мадэляванне прадметна-прасторавага асяроддзя сродкамі дызайну, выяўленчага і дэкаратыўнага мастацтваў.
  8. Тэарэтыка-метадалагічныя праблемы фарміравання прававой культуры моладзі на сучасным этапе.

patriot photo 2020 06 11 14 46 41 b6c9d020a8d98865ed811f64277eddcc logo Баннер Витебские вести banner vitbichi 02 правоby
logo god kachestva FEST STYLE 2024 600х400 МинЛоготип105 20220707 pravovoj forum belarusi img211109 02 Приложение 3 Баннер ПРО русск qr code 3 12 100229 1 157722 Изображ соцсети 1

@ Віцебскі дзяржаўны ўніверсітэт імя П.М. Машэрава"