У 2018 годзе спаўняецца 100 гадоў з таго часу, як убачыла свет “Беларуская граматыка для школ” Б. Тарашкевіча. Яна ўпершыню надала беларускай мове неабходную ёй унармаванасць і стварыла грунт для далейшай паглыбленай граматычнай распрацоўкі мовы і ўдасканалення ўласцівых ёй структурных элементаў.

У сувязі з гэтай падзеяй кафедра беларускага мовазнаўства, філіял кафедры, Цэнтр славянскіх моў і культур ВДУ імя П.М. Машэрава і Галоўнае ўпраўленне па адукацыі Віцебскага аблвыканкама арганізуюць рэгіянальную навукова-практычную канферэнцыю, якая адбудзецца 5 снежня 2018 года па адрасе: г. Віцебск, Маскоўскі праспект, 33.

Плануецца праца па наступных кірунках: мовазнаўства, літаратуразнаўства, лінгвадыдактыка, педагогіка, лінгвакультуралогія.

Арганізацыя работы канферэнцыі: у форме пленарнага пасяджэння, круглага стала, дыскусійных пляцовак.

Праблемнае поле канферэнцыі:

• Навуковая і метадычная спадчына Б. Тарашкевіча.
• Гісторыя станаўлення і развіцця метадычнай думкі на Беларусі.
• Актуальныя праблемы лінгвадыдактыкі.
• Аспекты моўных даследаванняў (лексікалогія, фразеалогія, словаўтварэнне,
• граматыка, лексікаграфія, дыялекталогія і інш.).
• Пытанні выкладання мовы і літаратуры ў школе і ВНУ.
• Міжпрадметныя сувязі ў выкладанні беларускай мовы і літаратуры.
• Слова ў мове, тэксце, навучанні.

Інфармацыйны ліст навукова-практычнай канферэнцыі “Навукова-метадычная думка на Беларусі”

Праграма навукова-практычнай канферэнцыі “Навукова-метадычная думка на Беларусі”