21 лістапада ў 18 гадзін у Віцебскай абласной бібліятэцы імя У.І. Леніна (вул. Леніна, 8а) на чарговых занятках курсаў па гісторыі роднага горада пройдзе прэзентацыя новай кнігі знакамітай віцебскай даследчыцы Людмілы Хмяльніцкай – дакументальнай аповесці «Лёс інсургента».

У кнізе на падставе архіўных і апублікаваных крыніц рэканструявана біяграфія беларускага і польскага фалькларыста, паэта і кнігавыдаўца Аляксандра Рыпінскага. Апісваецца яго жыццёвы шлях ад навучання ў Віцебскай базыльянскай гімназіі да жыцця ў эміграцыі і вяртання на радзіму. Характарызуецца творчая спадчына аўтара першай кнігі пад назвай «Беларусь» («Białoruś»), у тым ліку нявыдадзеная. Упершыню падрабязна разглядаюцца апошнія гады жыцця, падаюцца дата смерці і месца пахавання.

Чакаем вас! Будзе цікава!