На факультэце гуманітарыстыкі і моўных камунікацый з 6 па 10 снежня ў 7-ы раз пройдзе Фестываль беларускага слова.

Сёлетні фестываль вызначаецца тэматычнымі мерапрыемствамі, прысвечанымі беларускай культуры. У студэнтаў і выкладчыкаў будзе магчымасць пазнаёміцца з традыцыямі беларускага кірмашу і пакаштаваць стравы беларускай кухні. Таямніцы беларускіх рамёстваў можна будзе спасцігнуць у майстэрнях мастацка-графічнага факультэта і сабраць свой уласны лэпбук. Прэзентацыі лепшых музеяў Віцебска і музейныя экспазіцыі пазнаёмяць студэнтаў са старажытнымі экспанатамі. Студэнты ФГіМК апрабуюць свае сілы ў якасці артыстаў у пастаноўках будучых рэжысёраў і выйдуць упершыню на сваю “малую сцэну” ў якасці герояў літаратурных твораў. 130-годдзе Максіма Багдановіча аздобіць слуцкі пояс, які студэнты саткуць самі. “Адчуй наш вайб!” разам з намі на студэнцкім капусніку.

Далучайся да роднага слова! Мы чакаем цябе!