Календарь событий


Народны літаратурны музей запрашае 4 кастрычніка ў 11:30 у чытальнай зале бібліятэкі галоўнага корпуса  ВДУ імя П. М. Машэрава адбудзецца літаратурная імпрэза “Прайсці праз вернасць” (да 105-годдзя з дня нараджэння народнага паэта Беларусі Максіма Танка).

У праграме: сустрэча з Іванам Фёдаравічам Скурко, пляменнікам Максіма Танка; вершы, песні на словы паэта ў выкананні выкладчыкаў і студэнтаў філалагічнага факультэта.

Рисунок1

17 верасня 2017 года споўнілася 105 гадоў з дня нараджэння геніяльнага творцы ХХ стагоддзя, народнага паэта Беларусі  Максіма Танка. Літаратурная спадчына класіка ўражвае разнастайнасцю тэм, вобразаў, форм, творчым засваеннем нацыянальнай традыцыі і наватарскімі пошукамі. Паэзія Максіма Танка арыентуе  нас на высокія ідэалы, разуменне важных ісцін, непераходных маральных каштоўнасцей. Яго вершы, паэмы засяроджаны на галоўным у чалавечым быцці, напоўнены агнём перажывання, трапятання, пачуцця. Запрашаем усіх аматараў беларускага мастацкага слова на літаратурную імпрэзу, прысвечаную паэту.

.

@ Учреждение образования "Витебский государственный университет имени П.М. Машерова"