19 мая на базе ДУА “Сярэдняя школа № 21 г. Віцебска” ўжо ў трэці раз прайшла адкрытая гарадская краязнаўчая навукова-практычная канферэнцыя навучэнцаў і студэнтаў “Задзвінскія чытанні”.

Арганізатарамі навуковага форуму традыцыйна выступілі гістарычны факультэт ВДУ імя П.М. Машэрава і ДУА “СШ № 21 г. Віцебска”. У Год малой радзімы канферэнцыя, у якой прынялі ўдзел вучні школ і гімназій г. Віцебска і г. Полацка, а таксама студэнты гістарычнага факультэта нашага ўніверсітэта, стала сапраўдным святам краязнаўства.

IMG 5637

IMG 5673 IMG 5643

Выступленні ўдзельнікаў па дзвюх узроставых секцыях ацэньваліся кампетэнтным журы, у склад якога ўвайшлі вядомыя гісторыкі і краязнаўцы. Акрамя таго, перад моладдзю выступіў знакаміты віцебскі краязнавец, “Чалавек года Віцебшчыны – 2017” Аркадзь Падліпскі, які прадставіў свае кнігі, прысвечаныя гісторыі роднага горада, знакамітым віцяблянам, а таксама будынкам і помнікам Віцебска. Вялікую зацікаўленасць прысутных выклікаў майстар-клас сяброў клуба гістарычнай рэканструкцыі “Таварышы па зброі”. А выдатны краязнавец з Міёр, настаўнік і стваральнік некалькіх музеяў, лаўрэат Прэміі Прэзідэнта Рэспублікі Беларусь “За духоўнае адраджэнне” Вітаўт Ермалёнак распавёў пра саракагадовы вопыт пошукавай працы краязнаўчага гуртка “Арганаўты мінулага”.

IMG 5670

IMG 5669 IMG 5679
IMG 5703 IMG 5712

IMG 5689

Акрамя дыпломаў пераможцы атрымалі кнігі краязнаўцаў з аўтографамі.

Фотаздымкі: Аляксандр Гергаеў, студэнт гістарычнага факультэта

.

@ Учреждение образования "Витебский государственный университет имени П.М. Машерова"