У Беларускім тэатры «Лялька» студэнты і выкладчыкі педагагічнага факультэта Вiцебскага дзяржаўнага ўнiверсiтэта iмя П.М. Машэрава наведалі спектакль «Мастак. Вяртанне ў Віцебск», які прысвячаецца Марку Шагалу.

Ці лёгка таленту знайсці свой шлях? Асабліва, калі на шляху паўстаюць сцены спрадвечных забабонаў, цемрашальства і абыякавасці. І толькі вера ў сваё наканаванне ды непаўторная Муза клічуць працягваць няпростае падарожжа да прызнання па зямлі і ў небе.

Навокал жа віруе няпростае жыццё. І людзям, што мітусяцца ў пошуках надзённага хлебу ды кідаюцца ў вір неверагодных ідэй, творчасць суайчынніка па-ранейшаму падаецца незразумелай і непатрэбнай. А Мастак працягвае шукаць сваё месца ў Віцебску. Нават пасля вечнага развітання.