Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбітаў. 21 лютага ЮНЕСКА абвясціла Міжнародным днём роднай мовы, каб папярэдзіць знікненне асобных гаворак свету і захаваць моўную разнастайнасць.

Святочная акцыя, прымеркаваная да Міжнароднага дня роднай мовы, прайшла і на педагагічным факультэце. Студэнты адказвалі на цікавыя пытанні, перакладалі словы з рускай мовы на беларускую, актыўна ўдзельнічалі ў адгадванні загадак, а таксама чыталі вершы ўласнага сачынення і любімых беларускіх аўтараў.

Усе ўдзельнікі атрымалі салодкія падарункі, зарад бадзёрасці і энергіі, а таксама шмат карыснай інфармацыі.