Кафедрай літаратуры факультэта гуманітарыстыкі і моўных камунікацый праводзіўся творчы конкурс відэаролікаў і літаратурных работ, прысвечаных культурна-літаратурнай спадчыне Беларусі. Да ўдзелу ў конкурсе запрашаліся вучні IX–XI класаў. На электронную пошту кафедры літаратуры паступіла 138 творчых прац.

У выніку былі вызначаны ПЕРАМОЖЦЫ КОНКУРСУ:

1 месца – Якушэнка Ульяна Уладзіміраўна, вучаніца 11 класа ДУА “Расонская сярэдняя школа імя П.М. Машэрава” (за відэаролік «“Бульба” П. Броўкі» ).

2 месца – Уласенка Уладзіслаў Сяргеевіч, вучань 10 “Б” класа ДУА “Гімназія №7 г. Віцебска імя П.Я. Кандраценкі” (за відэаролік «Чалавек на вайне – паэтычны водгук на аповесць “Сотнікаў” В. Быкава»); і Лаўрэнаў Сяргей Аляксандравіч, вучань 9 класа ДУА “Сярэдняя школа №40 г. Віцебска імя М.М. Громава” (за відэаролік «Твор “Запіскі Самсона Самасуя” А. Мрыя»).

3 месца – Крывапуст Кацярына Віктараўна, вучаніца 11 класа ДУА “Сярэдняя школа № 7 г. Віцебска” (за відэаролік «“Балада аб чатырох заложніках” А. Куляшова»); і Булгакава Кацярына Сяргееўна, вучаніца 11 “А” класа ДУА “Сярэдняя школа № 16 г. Полацка” (за відэаролік «Наш славуты зямляк»).

Асобным дыпломам глядацкіх сімпатый за драматычнае майстэрства і стварэнне яркага нацыянальнага вобраза (відэаролік «“Страцім-лебедзь” М. Багдановіча») адзначана Плескачэўская Маргарыта Андрэеўна, вучаніца 9 класа ДУА “Дзеркаўшчынская базавая школа Глыбоцкага раёна”.