Літаратурны музей ВДУ імя П.М. Машэрава запрашае на выставу «“Нам засталася спадчына” : кнігі Янкі Купалы розных гадоў», прымеркаваную да 135-годдзя з дня нараджэння народнага паэта Беларусі. На выставе прадстаўлены факсімільныя выданні першых зборнікаў паэзі Янкі Купалы, рэдкія выданні кніг вершаў і паэм 50 – 60 гг. ХХ стагоддзя, збор твораў у двух тамах пад рэдакцыяй Я. Коласа, М. Лынькова, а таксама сучасныя выданні кніг класіка нацыянальнай літаратуры. Матэрыялы для выставы ўзяты з фондаў універсітэцкай бібліятэкі і з прыватных бібліятэк выкладчыкаў. Выстава будзе дзейнічаць да 30 кастрычніка 2017 года.