Лепшым інавацыйным праектам ВДУ імя П.М.Машэрава — 2020 прызнаны альбом “75 слоў-помнікаў, народжаных Вялікай Перамогай”, створаны на філалагічным факультэце (з новага навучальнага года — факультэт гуманітарыстыкі і моўных камунікацый).

Ідэйным натхняльнікам і кіраўніком праекта стаў дацэнт кафедры агульнага і рускага мовазнаўства Леанід Вардамацкі. У склад навукова-творчай групы цэнтра лінгвадыдактычных практык, якая займалася пошукам і сістэматыза­цыяй гістарычнага матэрыялу, увайшлі студэнты Настасся Жукоўская, Марат Нікалаенка і Мілана Ціханава. Альбом выдадзены на рускай, беларускай і англійскай мовах пад агульнай рэдакцыяй дэкана факультэта прафесара Сяргея Нікалаенкі.

«Настаўніцкая газета»