15 сакавіка наша краіна адзначае вялікае свята – Дзень Канстытуцыі Рэспублікі Беларусь. Менавіта ў гэты дзень быў прыняты асноўны закон нашай дзяржавы – Канстытуцыя. Яна з’яўляецца галоўнай прававой апорай суверэннай краіны, надзейным арыенцірам дзяржаўнай палітыкі, накіраванай на стварэнне эфектыўнай эканомікі, забеспячвае сацыяльную абарону і дабрабыт насельніцтва, беражлівыя адносіны да традыцый беларускага народа. Гэты дакумент надзейна абараняе правы і свабоды чалавека, стварае ўмовы для поўнага раскрыцця асобы.

Кожны з нас павінен шанаваць закладзеныя ў асноўным законе краіны агульнанацыянальныя каштоўнасці і рабіць усё магчымае для росквіту роднага краю.

Напярэдадні гэтага значнага свята ВДУ імя П.М. Машэрава стаў пляцоўкай для шматлікіх мерапрыемстваў.

11 сакавіка ва ўніверсітэце адбылася сустрэча працоўнага і студэнцкага калектываў з членам Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы Таццянай Аўтуховай. Там былі закрануты пытанні канстытуцыйнай рэформы, унясення змяненняў у сферу дзяржаўнай улады па размеркаванні паўнамоцтваў паміж рэспубліканскімі і мясцовымі органамі кіравання, аб наданні статусу канстытуцыйнага органа Усебеларускаму народнаму сходу.

12 сакавіка на базе юрыдычнага факультэта ВДУ імя П.М. Машэрава адбыўся выніковы тур абласной алімпіяды сярод школьнікаў «Канстытуцыя – гарант беларускай дзяржаўнасці». Удзельнікамі першага (раённага) этапа алімпіяды дыстанцыйна сталі каля 800 вучняў са школ горада Віцебска і Віцебскай вобласці, другога – 16 вучняў 9 – 11 класаў рэгіёна.

15 сакавіка ў ВДУ адбылася святочная акцыя, прысвечаная Дню Канстытуцыі Рэспублікі Беларусь. Студэнты прымалі ўдзел у тэматычнай віктарыне, разгадвалі крыжаванку і дарылі музычныя віншаванні.

Таксама ў гэты дзень ва ўніверсітэце адбылася сустрэча працоўнага і студэнцкага калектываў з членам Пастаяннай камісіі Савета Рэспублiкi Нацыянальнага сходу Рэспублікі Беларусь па адукацыі, культуры, навуцы і сацыяльнаму развіццю Юрыям Дзеркачам.

Факультэт гуманітарыстыкі і моўных камунікацый ужо ў восьмы раз стаў ініцыятарам традыцыйнай гарадской акцыі «Праз дыялог моў – да душы, да сэрца». У гэтым годзе яе ўдзельнікі – вучні школ Віцебска – пісалі дыктант на рускай або беларускай мовах.

Студэнцкі савет запрашае студэнтаў, выкладчыкаў і супрацоўнікаў ВДУ прыняць удзел у віктарыне, прымеркаванай да Дня Канстытуцыі Рэспублікі Беларусь.

Юрыдычны факультэт стаў пляцоўкай для навукова-практычнай канферэнцыі «Рэфармаванне канстытуцыйнага заканадаўства Рэспублікі Беларусь: праблемы праватворчасці і правапрымянення».

Юрыдычная клініка «Лабараторыя прававога інфармавання» сумесна з рэгіянальным цэнтрам прававой інфармацыі Віцебскай вобласці запускае тыматычную святочную віктарыну ў Instagram-акаўнце юрыдычнага факультэта.

Навуковая бібліятэка прапануе пазнаёміцца са спецыяльнай літаратурай на кніжных выставах «Беларуская дзяржаўная ідэалогія – аснова грамадскага яднання».

На ўсіх факультэтах і ў інтэрнатах ВДУ запланаваны куратарскія і інфармацыйныя гадзіны, прававыя гульні і круглыя сталы.

©Аддзел медыякамунікацый «Медыяцэнтр ВДУ»